Fyrirmyndar þjóð

Innlegg í umræðu um stjórnarskrá

Íslenska þjóðin setur sér markmið að vera fyrirmynd annarra þjóða, hvað varðar mannréttindi, stjórnarhætti, umgengni við umhverfi sitt og samskipti við aðrar þjóðir. Alþingi skal gera áætlun um hvernig þessu markmiði skuli náð og fylgjast stöðuglega með árangri.

Ef eitthvað á að verða til þá þarf að vera til markmið til að svo verði, eitthvað til að vinna að, eitthvað sem flestir geta sameinast um og verið stoltir af. Allir hafa möguleika á að vera til fyrirmyndar, að vera fyrirmynd.

Meðferð fjármuna, skipting landsins gæða, áætlanir til framtíðar, draga úr sóun, auka endurvinnslu og deila reynslu okkar með öðrum þjóðum. Það verður okkar framlag til þjóðanna

Þjóðin er hæfilega stór til þess að auðvelt er að ná til allra. Þjóðin er rík og á nægar auðlindir til að allir geti búið við góð kjör, hús heilsu og menntun. Allir geta verið fyrirmynd.

Tilögur um kosningar til Alþingis

1. Gert verði slembiúttak með til dæmis 540 kjörgengum einstaklingum þannig að það verði um 20 einstaklingar í 24 (kjördæmum) út á landi og 80 í Reykjavík (þetta eru aðeins tillögur sem þarf að stilla af og lagfæra)

2. Kannað verði hverjir gefi kost á sér til að verða kosnir til alþingis og þeir fyrstu 10 einstaklingar (miðað við röð í slembi-úttaki) sem gefa kost á sér verða í framboði í því kjördæmi. Ef færri en 10 gefa kost á sér þá verði aukið við fjölda í slembiúttakinu í því kjördæmi þar til 10 einstaklingar hafa gefið kost á sér

3. Frambjóðendur fái tíma til að kynna sig og hugmyndir sínar varðandi þjóðina. Þessi kynning fari fram í gegnum internetið með heimasíðum blaðagreinum og bloggi og fleira ásamt fjöldafundum í kjördæminu. Settar verði reglur sem jafni kynninguna.

4. Alþingiskosningar fari þannig fram að sá frambjóðandi sem fær flest atkvæði í sínu kjördæmi verður þingmaður. Þannig veljast 27 þingmenn til þings.

 

Þessir þingmenn eru ÞJÓÐKJÖRNIR og ekki fulltrúar síns kjördæmis, heldur þingmenn þjóðarinnar allrar. Í allri umræðu á Alþingi og viðræðum fjölmiðla og á opinberum vettvangi skulu orð þeirra og framkoma bera vitni um að þeir komi fram sem fulltrúar alls landsins, allrar þjóðarinnar. Þingmenn þessir eiga að mynda fyrirmyndar þing til að þjóðin verði fyrirmyndar þjóð.

Þegar 4 ára kjörtímabili þeirra lýkur og næstu kosningar verða undirbúnar geta alþingismenn vera í framboði á þeim lista sem slembi-úttakið myndar. Þar sem gera má ráð fyrir að sú kynning sem störf þeirra á þingi hafa fært þeim gefi þeim forskot fram yfir frambjóðendurí úttakinu, þá verður vægi atkvæða fyrrverandi þingmanns skert um 30% (eða eitthvað ákveðið hlutfall sem reynslan kennir).

Þegar alþingismenn greiða atkvæði á Alþingi, þá geri hver alþingismaður grein fyrir atkvæði sínu í setningu eða málsgrein, sem verður aðgengileg á vef Alþingis fyrir kjósendur að kynna sér til að leggja mat á þingmanninn í næstu kosningum.

Markmið Alþingis.

• Alþingi setur lög fyrir þjóðina.

• Alþingi kýs hæstaréttardómara. Til að hann ná kjöri þarf aukinn meirihluta 2/3 atkvæða.

• Hæstaréttardómarar sem hafa tilskylda menntun skulu valdir eftir manngildi, heiðarleika réttsýni reynslu og öðrum þeim mannkostum sem slíka menn ættu að prýða. Fyrirmyndar einstaklingar.

• Alþingismenn leggi sig fram um að stjórna þjóðinni með því að vera góð fyrirmynd. Reynsla og lífsferill er jafn mikilvægt og skólaganga og titlar Allar lagasetningar skulu metnar með tilliti til þess að vera til fyrirmyndar og hafa engar neikvæðar aukaverkanir. Opinberar framkvæmdir, Sjúkrahús, skólar vegagerð og þess háttar skal metið með sama hætti meta skal forgangsröð nýtingu og hagkvæmni með tilliti til velferðar þjóðarinnar í bráð og lengd.

• Opinber fyrirtæki eins og til dæmis Landsvirkjun eru á ábyrgð Alþingis. Stjórnendur slíkra fyrirtækja og rekstur þeirra skal stefna að sömu markmiðum, að vera til fyrirmyndar á allan hátt þannig að þjóðin geti veri stolt en einnig auðmjúk og þakklát fyrir þær auðlindir sem landið færir þjóðinni.

• Alþingi fari með stjórn fjármála þjóðarinnar.

• Alþingi rekur og stjórnar seðlabanka og fylgist með fjármagnsstreymi, skuldum og eignum þjóðarinnar. Aðrir bankar eru þjónustuaðilar sem lúta fjármálastjórn seðlabankans.

• Gjaldmiðill íslensku þjóðarinnar "krónan" er "sameign þjóðarinnar" Hún er ætluð til að nota af þjóðinni innanlands og fyrir ferðamenn og smáviðskipti erlendis.

• Íslenska krónan er ekki spilapeningur fyrir kauphallir, banka eða fjármagnsmarkaði erlendis.

Við höfum margra áratuga reynslu í því hvernig ekki á að nota gengi íslensku krónunnar sem stjórntæki Við höfum einnig reynslu af því hvernig bankaveldi og fjármagnsmarkaðir spila á hana.Nú notum við kosti hennar til að stýra sveiflum sem stafa af utanaðkomandi breytingum og stýra atvinnustigi og þenslu innanlands. (með gætni og skynsemi) Það er hægt þegar rétt markmið eru notuð, Markmið, að vera til fyrirmyndar í öllu og sameinast um það.

Höfundur er í framboði til stjórnlagaþings no. 8474